وُشَ عذرگ ،‼
لا غبت عني وانا مشتاق وشَ عذَرك
يوم انت حالف بربك ما تخليني
نذرً على رقبتي ونذرً ما هو نذرك
أنك ما حسيت في شوقي ولا فيني
مسافت الشوق للمشتاق تختصرك
و توزعك في حشاي وفي شرايني
غطت ثلوجك اطبوعك واختفى جمرك
ما عادك الي ليا من غبت يدعيني
أفكر اختبرك و أخاف لا اختبرك
أخاف باقي غلاك يطيح من عيني
تعال بين الضلوع العوج شف قدرك
قصرً من الحب يبنالك ويبنيني
ما ودي اقول في بعدك غريب امرك
ودي لو اسمع صدى يامن يراعيني
اعتبرك الروح ولا شتبغي اعتبرك
ما دمت يا اغلى الخلايق مني وفيني
انا اكثر انسان قدر قلبك و طهرك
و انت أكثر انسان فاهمني و مغنيني
مأسور بالحب لاكن افتخر بأسرك
كبلت قلبي قبل لا تكبل يديني
في الليلة المظلمة يكفي سنى بدرك
والليلة الباردة قربك يدفيني
قدلي وأنا أحاولك و أقف على نهرك
أرويتني مرة وناطرك ترويني
لقاك و احكاك ولجوً خذا عطرك
ثلاثة أشياء تقتلني و تحييني
خذني من الناس و أدخلني وسط صدرك
لا تخلي البعد ياتي بينك وبيني
تقولي يافديت عيونك وشعرك
وقصايدي فيك ذكراها أمشقيني
ماني بمهتم كم عمري وكم عمرك
عطني سنينك و انا بهديلك اسنيني
كم لي وأنا أحتاجلك و اشتاق وأنتظرك
و اتذكر اخر لقى ويديك بيديني
يا كبر تقديرك بقلبي و كبر أجرك
لا جيتني بـ لوصال و شافتك عيني
♪
الششـآعرَ • ححمدَ البريديِ ،♥